Poraz u prvom kolu AdmiralBet Aba lige

Aba Liga

Poraz u prvom kolu AdmiralBet Aba lige

26. Septembar, 2021 SC Derby

Poraz u prvom kolu AdmiralBet Aba lige

Dobar početak naše ekipe u prvoj četvrtini u kojoj se vođstvo dvije ekipe non stop smjenjivalo. Sjajno je otvorio utakmicu Flečer Megi sa brzih sedam poena dok su ga dobro pratili Kamenjaš sa četiri, Starovlah i Edvards sa tri poena. Na kraju prvih deset minuta rezultat je bio 23:21 za domaću ekipu. „Studenti“ su pogodili tri šuta za tri poena iz šest pokušaja, dok je ekipa Mege pogodila čak šest šuteva iza linije 6,75.

Drugi period bolje otvara domaća ekipa i pravi seriju od 12:0 za 35:21. Seriju prekida kombinacija Kamenjaš-Tišma sa sjajnom saradnjom ispod koša u kojoj Boris upisuje prve poene. Nakon tajm auta Andreja Žakelja ekipa je popravila odbranu i ukradenom loptom Vinjalesa dolazimo do lakih poena i jednocifrenog zaostatka.

Ipak, ekipa Mege se opet odlijepljuje i odlaze na visokih 23 poena razlike nakon 20 minuta. Na kraju prvog poluvremena 51:27.

U drugom poluvremenu je domaća ekipa uspjela da održava visoku prednost i da ne dopusti našim momcima da zaprijete.

Na kraju meče rezultat je bio 101-68.

Najefikasniji u redovima SC Derby bili su Vinjales sa 17, Edvards je dodao 15,  Megi 13,  Tišma i Kamenjaš 6 poena. Vinjales je uspio da ukrade loptu 4 puta, Edvards 3, dok je Pavlićević imao pet uspješnih dodavanja.