Studentski Centar je fenomenalno otvorio nastup u ABA 2 ligi ubjedljivom pobjedom protiv Rabotničkog 98:69 (24:15, 23:18, 27:14, 24:22).

Studenti su od samog starta nametnuli svoj ritam, agresivnom odbranom, brzim napadima, i sigurnim šutem, pogotovo za dva poena. Do kraja ekipa Nenada Trajkovića je briljirala u ovom segmentu završivši meč na ekipnih 71,8 odsto za dva poena.

Osim u šutu za 2 poena, Studenti su bili odlični i sa linije penala, gdje su u cijelom meču imali samo jedan promašaj (18 od 19).

Pobjednik u našem debitantnskom nastupu u regionalnoj ligi nije bio ni u jednom trenutku doveden u pitanje.

Makedonskog predstavnika smo i nadskočili, pa smo tako meč završili sa 36 skokova, dok je Rabotnički imao 22.

Svih 11 košarkaša, koje je Trajković imao na raspolaganju u Čajetini su se upisali u listu strijelaca.

Slavković je dao 18 poena, Megi 12, Hadžibegović i Tejić po 11, Starovlah 9, Pavlićević, Vujisić, Baćović po 7, Drobnjak i Hagedorn po 6, dok je najmlađi član ekipe, talenotvani Ivičić za osam minuta ubacio 4 poena.

Naša ekipa je tako nakon ubjedljivog starta u crnogorskoj ligi, nastavila dobru praksu i u regionalnoj.

Idući protivnik je Lovćen sa Cetinja.

#estudiantesdipodgorica #studenti